| Profilo di !.. أحاسيس شاعر...!.. قصيدتي وين الحروف جف...FotoBlogElenchi |  Strumenti  Guida |
|
|
09 luglio !.. موت المشاعرجتك المشاعر تسوق الكرهـ محتـدهـ
تشرح لك الوضع .. ليتـك تفهمـه ليتـك ما أبيـه وقـت ٍ معـاك الله .. لايــردهـ عقب المحبـة تـراي بـجـد .. وطـّيتـك دامي خسرتك ترى الصدهـ هي الصدهـ !.. في دار الاموات عن دنيـاي عديتـك رح دوّر اللي عطـاك الشـوق وتـودهـ !.. كان الخطا من خفوقي يـوم حبيتـك " الحب غلطه معك " يلعن ابو جـدهـ
لا عاش راسي تشوف أن كان ما أبكيتك
أعطيتك اللي تعجز النـاس عـن عـدهـ !.. ما فيه شي ٍ ( طلبته ) ثـم رديتـك لقيـت دربـك بـه الحسـرات ممـتـدهـ ظلمت نفسي .. خسارهـ كيـف عليتـك سليت سيفـك بـ وجهـي حيـل .. وتحـدهـ !.. ما كني اللـي نزفـت الجـرح وأغليتـك .. العالم اللـي دخلتـه ما أنت بـ قــّـدهـ نسيـت عمـري وراك .. ولا تناسيـتـك ابشر بـ قسـوة تبـد الحيـل .. وتهـدهـ ومع كل هذا .. تـرى ما ظنـي أوفيتـك ذكراك تبقى بـ وسـط الجـوف مسودهـ !.. لو الليالي تعرفك زيـن .. مـا جيتـك خلاص كرهـي تجاهـك واصـل ٍ حـدهـ من نفس كاسك عطيتك كاس واسقيتـك " ما أبيك وقت " الرخا " ولا أبيك " بـ الشدهـ !.. مليت منهـا ( حياتـك ) .. دام خليتـك
انهيت حبـك وبـاب ( الهـم ) بـ اسـدهـ " ما عاد قلبي مثل ما كان .. هـو " بيتـك بعض المشاعر تموت .. ولا لهـا ردهـ بـ الضبط مثلي .. نسفت الحـب وانهيتـك
محمد العسكر 12 maggio !.. مأساتييا يمّه جيت ابسأل .. ليه أنا حظي مجافيني
أشوف الناس ملتمّه وأنا ما بيـن حسراتي أشوف أفراح من حولي .. أسلم ما تحييني أنـاديها وأنا خـجــلان .. ألـزّم في تحـيـاتي أحاكيها يا فرحه وين ..! حلفت أنك تزوريني أشد بـ حكي ثم أرخي .. أداعبها بـ همساتي ولا به فايـدهـ يمّه .. بـ رغـبـتـها تمـشـيـني !.. تواعــد ثم تخـلفني أو أنها تنسى أوقاتي
أنا اذكْـر دعـوتـك لله .. طـلـبـك أنه يخليني طـلـبـك أنه بـ يرزقني و يوفـقـني فـ بداياتي تعلمت الدعـاء منك .. وصـارت عـادةٍ فيني إذا نامت عيـون الخلق أوجه لـ الله دعواتي رجيت بـ صوت كله خوف متأمل بـ يعطيني لأجل ما أفرّحك يمّه رجيت وزدت رجـواتي هقيت أن دنيتي تصدق بـ دعواتي وتوفيني صبرت بـ حروة آمالي وحروة كل هقواتي وجت لـ الخلق ذا كـله ولكن ازرت تجيني قلت أكيد هي خيرهـ حمدت الله لـ حالاتي كتمت الـ آهـ أ لا تطلع ولا ودي تشوفيني ما ودي يتعبك نـوحي ولا تشقيك شهـقاتي تجرعت الألم يمّه .. شربته بـ أول سنيني وجـيتك ما بغيت أنك تحسّي مر لـوعــاتي اضّحـك هم دمعاتي وأطمّـن خوف يحـويـني وأجر بـ صوتي العالي لأجل عينيك ضحكاتي وإذا صديت عن وجهك اسلم أمري لـ عيني تجـيـني مثل جــلادٍ يـروق أن شاف دمعـاتي اجـمّـلها بـ ذكـر الله وأقول الله بـ يـجـزيـني أهـدّي نفسي .. أطلبها تجـمّـلها بـ بسمـاتي ولكن لو نجي لـ الجـد .. ترى كذبي مأذيـني ما عاد استحمل العيشه بـ تزيفي لـ فرحاتي أنا هـلـكــان يا يمّه .. أنا تـعـبــان ضمّيـني انا كل ليـله اتـوّفى وأرد أحـيا لـ صرعـاتي ذبحني البـرد يا يمّه .. بغـيـتـك لو تـدفـيـني طـلبتك انزعي بردٍ سكن واستوطن بـ ذاتي ضلـوعي تزاحمت يمّه بـ صدر ٍ ما يكـفيني من الضيقه من همومي من ألامي وآهاتي يلاعب فكـري جنـون و تلاعـبني شياطـيني توريني ضعف حـالي .. تذّكرني بـ معـانـاتي تشكـكـني بـ حبك لي .. وأقول أنك تحـبـيني تـعـانـد حبـك بـ قلبي .. تكـذب لي حـكـايـاتي ترى ما هزّني خوفي وحبـك لي بـ يحـميني ترى ما عمري أشكك وألومك في نهـاياتي !.. أنا بس بـ اسألك يمّه حقيقه ليه ولدتيني !.. بـ نفس اللحظه يا يمّه ولدتي ليه مأساتي أرد أدعـي أنا ربي من العـلـّه يـشـافــيـني وكل خــوفي على قلبك إذا مروك بـ رفاتي أنا خـايف من أحـلام ٍ نـهايـتها بـ تشـقـيـني ومن قسوة مشاويري ومن آخر مسافـاتي وخايف والله من قبري ومن تـربه تغطيني وسيره تنقطع بعدي .. ما يبقى غير كلماتي أبيكِ ترضي بـ القسمه ورضوانك بـ يرضيني تراني لـ أجــلـك أتمنى يحـقق ربي رغـبــاتي يا يمّه لا أشـوف الهم بـ وجهك .. لا تبّكيني ترى مكتوبه قبل أولد متى ولـ وين خطواتي وإذا ما جـت على كيفي أبيكِ منها تـعـفــيني عسى ترحمني دموعك وتشفع عندك أبياتي فيصل الخالد 19 aprile !.. بلونة الأرض حبيبي والشعر نورس حبيبـي والحـلا طـاووس
وأنا شاعر( كذا) مجنون فـي رسمـك وتلوينـك تعال افجــر معـي بـلونـة الأرض بـ طرف دبـوس تعـال وجـرّب هبـالـي وشـم الـــوردهـ بـ عيـنـك تلمّس بـ أصبعك شفّة وجع صمتي وحسها حوس تـشــوّف لـ أكبـر أســراري وتلّـه تـل بـ يديـنــك تعــال اقلـب موازيـن الحيـاهـ وغيّـر القامـــوس تعـال أكــتـم نـفـس كـل القــوانيـن بـ قـوانيـنـك تحرّك شف (قزح) ليتك تفكه من عـذاب القـوس تصرّف وأنت أعـرفك ما تبي توجيـه مـن حينـك تقدم خطــوتين ودس علـى حـدب الحنايـا دوس تراجع .. لا ولا خطوهـ : تـزور القلـب سكينـك طلبـتـك علّم أجـواز الكـنـاري كـل فـنّ البـــوس
وأمانه تشـرح لـ قطـن السحايـب مسألـة ليـنـك كذا.. وإن دارت الدنيا علي وإلا الهـوى جا كوس معّطت مـن المســاء قذلـه وغـنيـت لـ فسـاتينـك
(حبيبي لا تصدق من يقـول أن (الغـلا محسـوس
غـلا ً ما تـقضــبـه يمنـاك خلّـه تحـت رجـلـينـك وأنا من خانوا أحبابي عرفـت أن الحيـاهـ دروس (ولكن للأسـف ما زلـت جــــاهـل (بينـك وبينـك حبيبي لا تعدّلها .. كــذا .. هي صـورة الفــانـوس
حبيبي لا تموق .. الشعر شعري أانت لك زينـك حبيبي وإن بكا النورس تأكـد خانـه الطـاووس
وأنا شاعر ذكر (جـرح) ونسـى رسمـك وتلوينـك عبدالمحسن بن سعيد 12 gennaio !... بطاقة معايدهـ العـيــد عـيـدك والهــدايا هــدايــاك
يوم اتصلت وغيّب النـاس عــيــدك الله يـرحــم والــديـنــك ومـجــنــاك !.. ما تدري اللي يفقدك هو فقيدك طــولتــها والقـلب تدري فـدايـــاك !.. لكن غيـابك ما ينقـص يزيــدك أدري عزيز وعزتـك من مزايــاك وأدري تشبه في مزايـا وحــيـــدك في خـاطري شي يديـنك على هـاك الليـــل يوم الليـــل صفحة قـصيـدك خـليـتـني ما بين دفــتــر وشـبـــاك أكتب غــرامك واتـنـفـس نـشـيــدك وردتنى شفـقـان ضامي على مـاك و ارويتني من حسن طبعك وجيدك وحرمتني فجـأهـ ولا قلت وش جاك !.. ما غير اتمتم يلعـن الله كـيـــدك مدري محبـه أو تبي تزعل اعــداك وتثبت لهم وشلون انا صرت سيدك يا سـيـدهــم والروح قـفــرا بليــاك خل التـمــاري وانـتـبـه فى وريــدك النبض نبضي والمشـاعـر تـمـنــاك أقرى عيوني واشعر النبض بـ ايدك يا سـيـدهــم بـ أوعدك لا جيت مناك العـيـن دارك وسـاحـة الصدر بيـدك عودت في عيدك عسى العيـد يهناك وكل ما بعـدت شوي عيـدك يـعـيـدك والورد ما يكــفي نمدّهـ لـ يـمـنــاك حتى القصايد عاجـزهـ لو تـجـيــدك كل الهــدايا تستحي من هــدايـــاك يومك حضرت وغيّب الناس عيـدك أحمدالمطيري 05 gennaio !... بابا وش هالكلام
كـــــــــــان يـــــــا مـــــا كـــــــــــان ســــرب الأســئـلة داخــــل حـــدودي لـ لـــــســــحــــب جــــــــــــــــــدران لــحــظـة كــنــت ألـمـلـمـهـا زمــــان
كـنت أنا وطـفلي نـمد يـديننا لـ ذاك المطر
كــــانــت الــــدنــــيـــا مــــــطـــــر إلـين ألــتــقــى هــــم الــطــفــولـة واحــــتــــضـــن هــــم الــــكـــبـــر
وقــــتــهــا ...! بـــــيــــنــــي و بـــــيــــنــــي بـ الــتــمــنــي كــنـت اغــنـــي آهـ يـا دنــيــا لــــو اشــــحــــذ لــحــظـة الــــراحـــة حــيــاتـي راح تــســـقــيــنـي جــــراحـــك راح تــســـقــيــنـي مـــمـــاتـــي آهـ يــــا دنــــيــــا ... دنــــيــــا
بــابــا وش يــعــنـي دنــيــا ...! قـمت امـسّح هـ الرذاذ اللي تلّون في جبينه
رد وســـألــنــي.. بـابـا قــلـّي وشـهـي الـدنـيـا يا بـابـا ...!
بـــــكــــرا تـــعــــرف
لا يـا الله هـــــذي الـلـحــظـة أبـعـرف
هـــــــذي الــــدنــــيـــا حـــبـــيـــبــي أســــئـــلــــة فـ حــــــوى ظــــــــــلام إما طنشها وريّح وإلا عـمرك ما تنام
والرعد هذا يا بابا وش هو قلي ودي أعرف ...!
الــــــــرعـــــــــد زفــــــــرة ســــــمـــــا مـن يــوم شـافـت حـالـنا بـ الأرض قـالت ذي عــيــونـي لــيــت يـسـكـنـها الــعـمـا
والـــــبــــرق يـــا بـابـا ...!
حـــــبـــــيـــــبـــي الــــــــبــــــــــــرق يـــفــضــح كــل أبـــيـــض لـ الــسـمـا هــنــاك لـمّـا ثــوبـهـا عــنهـا تــشـقـق
طـــيـــب وبـ اســــأل عـــن...
خــــــــــــــلاص ولازم نـــعــــوّد يـــــا عـــــمــــري وقــــتــــنـــا والله تـــــــــأخـــــــــر وأنــت لازم تـــصـــحـى بـــــــدري
طــيـب آخـــر شــيّ بـابـا قــلـّـي وش مــعـنى الـنـجـــوم ...!
الــنــجــوم اهـــيــا شــبــابـيـك الــســمـا مـــا قـــد لـمـحـت أن الــغـرف تــضـوي ابــــد مــــا قــــد طــفــت فـــي أي يـــوم
والله يا بـابـا بـ صراحة ماني فاهم هـ الكلام ...!
بـــــــــــكـــــــــــرا تــــــــكـــــــبـــــــر بــــــــــــكـــــــــــرا تــــــــفـــــــهــــــم بــــــــــــكـــــــــــرا تـــــــــــنـــــــــــدم
ثــــــــــــــــــــم تــــــــــــقـــــــــــول...
لــــــيـــــت يـــحـــضــنــّي الـــــثـــــرى وأغـــــمّــــض عـــيـــونـــي وأنـــــــــام
حيدر الجنيد 10 dicembre !... قيادة المرأة
ياسر التويجري
... لـ سماع القصيدهـ
02 novembre !... تمنيتك معي بـ العيد يا قلبٍ يعرف الغـفران
تـمنيـتـك مـعي بـاقي تـبـدل خـوفي اطـمـئــنـــان يا أغلى من رحـل روحي تعــايد بك بـ وجــداني
تـطوف الذكـرى في قلبي تصحّي خافقٍ شفـقـان وتـصرخ فـيني أقـداري ما عاد يرجع لكم ثـاني
وأضـيع وتـنولد دمعة على خد الرجا حرمـــان وأصيح ويحترق صوتي (يمـّه) وتعيد أحزاني
يـخذلني نـهــار الـعـيــد لا قـبل يجـرح النـسيــان وذكرتك والحزن ينثر دموعه في أرض حرماني
دعـيتك طــــالت الغيبة وفاضت فيني الأشجـــان
ودعــيـت الله يســاعدني على تخـفـيف أشـجــاني
ورجعت اعزف لـ أعيادي نشيد الأرض لـ لإنسان لأن الأرض تـبقى وعـمــرنا وحـدهـ هو الـفـــاني
تـمنيتك مـعي بـ الـعـيــد يا قلبٍ يعرف الغـفــران لو أن المستـحـيل أصـعب تخـطـــيته على شــاني
يـا ويل اللي رهن عمرهـ لـ حلمٍ طاف والوجدان وأنا حـلمي رغم صغـرهـ من التعــذيب أعيــاني
في يوم الـعـيــد زارتني مشاعر ترفض الكـتمـان تـقـيــد بـ داخــلي نـــــار ألـحـّـفـهـا بـ كـــتـمـــاني
تـعيــش بـ داخـلي صـورهـ تردد معظم الأحيــان و ويـن اهـــرب مـن ألامي وأنا الالآم عــنــواني صدى الحرمان 18 ottobre !... الشتاء أمانه يا الشتاء .. دامك قريب ولك بـ صدري باب
(رفض كل الفصول ولا رضى غير أنت.. (مفتاحه (أمــانه دامني ماني على خـبرك.. (دفـا وأحباب تريـّث .. لين أشب اللي بقى من كـلمـة الـراحـه
ما دام إن الجفــا ليله طويل .. وليلك أنت رحـاب لقى وجـه السهر فيها .. زراق الـدمع مـصباحه دخيــلك والظـما يجـتـاحـني .. لا لاحـوا الغــيّـــاب وأخاف أسقيك من حزن الظما وتموت بـ جراحه دخيلك هدّني لـ الريــح .. لامن ضاقت الأسبــاب عساي ألـقى لـ لقــلبي مع مهب الـريـح ذبّــاحـه تعب صوت الجروح اللي ملى هذا المكان عتـاب !... تعب كف القصيد .. ولا بقى من هم ما باحه وأنا يا صاحبي من شفـتـني في دمعـتي .. كـــذاب !... دريت أنك بعيـد أبعـد من الخفـاق لـ أ فراحـه وأمـانه يا الشتاء .. دامك على حـزني تهج أبـواب تـريـّث لين أعـيــش اللي بـقى من كـلمـة الـراحــه محمد الحويماني 29 settembre !... رصاصة الرحمه
إذا لك شف في شوفي .. ترانـي على شوفتك .. صحيـت الأمانـي
زرعت الشـوق كلـه بـ انتظارك و أخذت الانتظار و جيت عانـي
نسيت الناس لكن .. مـا نسيتـك عجزت أنساك حتـى لـو ثوانـي
مليت الكون و أشغلت الجوارح نظر عيني .. سماع أذني .. لساني
عطيتك شيء ما هو عند غيـرك و لا قصـرت .. لكنـك أنـانـي ...!
أنا أحبـك .. و إذا ودك تـأكـد شف الله كيف بـ يدينـك هدانـي ..!
غيابك صعب و الأصعب وجـودك وأنا فـ الحالتين .. أتعـب و أعانـي
حبيبـي لا تواخذنـي .. و لكـن أبيك تحـط نفسـك فـي مكانـي
إذا جيتـك و أنا مشتـاق تقفـي تجاهلنـي و كنّـك مـا تـرانـي
و إذا صديت عنك و قلـت أبرحـل وقف قلبك على البـاب و دعانـي
و لو سويت نفسـي مـا أشوفك يميل القلـب صوبـك و يحدانـي
أنا يا ابن الحلال أصعـب حكايـه كتبني الوقت .. لكن مـا قرانـي ...!
مضى عمـري وتقـدر تعتبرنـي غريب .. وفي زمن ما هو زماني
زماني راح مع نصفي .. ونصفي نسى نفسه مع الوقـت و نسانـي
أسافر حزن .. والصحبـه ثلاثـه أنا .. والصبر .. وسهيل اليماني
و إذا مريـت فـ بـلاد الطفـولـه فتحت الصدر للحـزن و طوانـي
هنا .. دمعه جرت من عين جاهل هنا .. لاقيـت هـمـي و الـتـقانـي
هنا .. باعتنـي الديـرهـ وأهلهـا هنا .. ضحيت لـ فـلان وجفانـي
هنا .. حاولت أصيح وما سمعني سوى بعض الشوارع والمبانـي
أنا يـا سيـدي .. دقـه قـديمـه بغيت أخذ من الوقت .. وخذانـي
على الأنقاض واقـف دون حيلـه أشوفك وجهتـي بيـن الموانـي
تعال .. و طـف بـ يدينـك حنينـي تملكني .. و أنا أشعل لك حنانـي
تعال .. و ضمني يـا تـاج قلبـي دخيلـك لا تخلينـي .. عشـانـي
أنا شاعـر عيونـك يـا حبيبـي مع التحريف في بعـض المعاني
( و ما نيـل المطالـب بالتمنـي و لكن شوفتـك كـل الأمانـي )
محبة صـادق النيـه .. قصايـد و محبة ساقـط النيـه .. أغانـي
قسـم بـ الله لـو موتـي بـيـدك و أموت ألفين مرهـ مـا كفانـي
و إذا باقي من الطلقات .. طلقـه دخيلك .. حطهـا بيـن المحانـي
عبدالله ذويبان
... لـ سماع القصيدهـ
07 settembre !... دنياكــ حلوهـإهداء خاص
إلى أطيب بنتين تعرفت عليهم في النت وإلى شخص آخر أجبرني على إحترامه
!... يعلم الله بـ غلاهم في قلبي كيف
طبعاً ما يحتاج أعرف عنهم لأن أكيد راح يعرفون نفسهم خصوصاً أن القصيدهـ تحكي حالهم وحالي معاهم
الله يسهلها علي وعليكم يا الغلا ويسعدكم دنيا وآخرهـ ويعوضكم خير أن شاء الله
. .
دنياكــ حلـوهـ لا تهمك ظـنـونك لا خير فيها كان خان القدر فيك
وش نفعها يا قبلة الخلق دونك لـعلـها لـ الـمــوت دنـيا تبكـيـك
حرام أشوف الدمع يملي عيونك يا مالي قلبي من الحب وش فيك
تـقـول حـظـكـ يا حيـاتي يخـونك وش قولتي في حظي اللي غدر فيك
ترى شجـوني زودتها شـجـونك خـذ قلبي ألعـب به لعـلّه يسليك
سعود بن بندر 25 agosto !...ثمان سنين
ثمان سنين لا شاكي ولا حاكي ولا فضاح ثمان سنين عراها مزاحي في شتاء جدي
ثمان سنين لا صابر ولا ساكت ولا مرتاح ثمان سنين عن ستين يا وارث دما جدي
أدرجها وأقول الله يعين اللي شبابه راح مع أني عارف وش تالية ما تزرعه يدي
أشيل من الهموم جبال لو ما شفتني نواح أكابر وأتصنع وأتجاهل ما وقف ضدي
أنا يا أبوي وأن زاد الكلام وقلت الأرباح سجنت الروح في سجن الصدر لين أنكشف سدي
نخيت الدمع بس الدمع ما طاع الضعيف وطاح وأنا محتاج أسيل في دموعي صرخة قدي
تعاتبني ولا تدري يا أبوي أن العتب ذباح تعاتبني وأنا ما جيت في أمري ولا ودي
ثمان سنين ضاعت من حياتي والسنين أرواح ثمان أرواح ماتت في عيوني وأخلفت عدي
عبدالله ناصر العتيبي 17 agosto !...يا ولد عمي يا ولد عمي نخيتك والقصيد أسندهـ يمك
عدّها نخوة حميـّا .. عدّها نخوة ميانه وأعرف إني لانخيتك فاض بالفزعات جمك وأعرف إنك ما تقول الراي إلا في مكـانه إحتميـني يا ولد عـــمي إذا فعلاً أهمك أوقف بـ وجه المواجـع والظـلايم والمهانه زمني حد النجــوم اللي عليها كنت أزمك عـالم الحـرمان هـذا ذللـّه وإقـطع لسـانه عـالم الخـذلان هـذا ذوّقه لحـظــات سمّك عـالم البهتـان والطغيان ما عندهـ أمانه بنت عـمك يا ولد عـمي تـراهــا بنت عمك تارد الموت الحمر ما هي عن الوقفه جبانه دمي اللي في عروقي هو ترا من نفس دمك دم نـشـمـيٍ إلى مـن فـــار مـا دور مـعانه والـجـفـا لالـم خطـواته طلبتـك لا يلـمك الجفا كافر وأنا وإنته على نفس الديانه إنخـذلـت بـكـل مـن حـولي وخـذلاني يعمك وإنطعـنت بكـل سكـينٍ نـوت طـعـني خيانه طـعـنة الـــدنيا بجوفي عن ندايه لا تصمك طعنـةٍ تثـعـل جــروحي ثم تمثناها لعانه يـا ولـد عمـي نخيتك بنت عمك .. بنت عمك عالم الخـذلان والنـكران مـا عـندهـ أمانه بنت أبوها 09 agosto !... مجرد ألم
دائماً أقول الحب مجرد ألم فـ الحب لا يمكنك السيطرهـ عليه بينما هو يسيطر عليك وأنا بـ طبيعتي متمردهـ لا أستطيع الاستسلام لـ مجرد أحاسيس
كانت لي تجربه باردهـ كـ مشاعري هادئه كـ نبضات قلبي
بدايتها...
صارحته بـ مقدرتي على إسعادهـ بـ شرط ...! . .
صغيرهـ ...وأقدر أخلّي هـ الفضاء من أجل عينك أزهار محمد الرطيان
فاجأني بـ قوله الغريب لـ أحاسيسي والمعتاد بـ النسبه لـ رجل . .
لو كنتي إنتِ تملكين نصف اللي كانت تملكه "بلقيس" من حريّه كان أمسح بـ اسمك أسامي العاشقين وأمسح " نزار" بـ سامريّه...! محمد الرطيان
أعطيته نصف الحرية فلم يقنع بها بل طالبني بـ أكملها واجهته حينها بـ كلمات عذبه مهذبه لعل الحال يستعيد صحته . .
أقولك شي وما تزعل.. ولا تاخذ على الخاطر...! صحيح أني أحبك موت.. لكني معك تعبان...!
تخليني وتنساني.. تعب قلبي وأنا صابر.. وأقول اليوم يتغير.. وهذا أنا معك حيران...!
أدور لك سبب مقنع.. وأقول لك يا هوى حاضر.. عشان الحب في قلبي.. أخلي قلبي الغلطان...! فيصل بورسلي
. . ومنذ ذلك الحين والوضع انـ ـكـ ـسـ ـار
تأكدت.. أن قلبي لا يعرف لـ الحب طعم والكبرياء يتملكني أكثر من السابق ومغامرتي تكمن في التحديات لا أكثر
. . شـ فيني ما هي عادتي .. أكتب كلامي وأنفضح...! يا عاذلي أرقص فرح...! أحمد المطيري
06 agosto !...نجد وسيف البحر
دنـا وقـت الرحـيـل وشال طرقيّ البلاد وقاد عسى له بـ الطريق اللي نواهـ الخير والخيره
ثمان سنين يا سيف البحر واللي مضى ينعاد غريب الدار وش بـ يديه وأن طالت مشاويره
ثمان سنين جنبك ما أهتنيت بـ فرحة الأعياد ولا شـفـت الـربـيع الـلـي تـفـرحنّي نـواويـره
تعب والحظ ناسيني ودنياً كل أبـوها جهــاد ولا للعبد يا كـود الـرضـا لـ حـكمة مـقـاديره
أمانه مـعك يـا سيف الـبحر وان مـر بك نشاد حريص لـ شوفتي أتعب على دربي مداويره
قل أعرابي ولا لـه غير عن ذيك البلاد بلاد قل أعرابي على تـراب ٍ ربـا به تاخذهـ غيره
قل هبال البدو كله بـ راسي زاد فيّ عناد أحب أرقى السنود اللي عسيرات ٍ مظاهيره
ما دامه بيننا يـا نجد في ذاك الحمى ميعاد أنا جـيـتك غـلا قـلب ٍ تـزغرد لك عـصافيره
أنـا جـيتك وشـوقي فـي خـفوقي لاهـبه وقـاد عـلى شـان الـوفا يـا نجد بـعت الـدار والـديره
عـجزت أعيش عنك بعيد يوم ٍ غبت به لا عاد مـا خذت من الغياب إلا السهر والهم والحيره
وشـوفك يـشرح الـخاطر الـلي زاد هـمه زاد عـليك يـموت وجـد الـيا تـذكر سـالف السيره
لحقني ما لحقني مـير يـا نجد الـغلا وش عـاد ما دام إن الـخـفوق لـ شـوفتك تـنفل أساريره
ما دام إن الـمطيه ما تبي غـير الـرسن وشداد أجـل راع الـغـلا مـجبور لـو كـثرت معـاذيـره
سعد الحميداني !... أنا حرّهـأنا حرّهـ على كيفي حياتي
شـ اللي يحدني أمشي معاك
أبرحل عنك وأتمتع بـ ذاتي
كفاني ذل في دنيا هواك
أنا حرّهـ
تقربني جروحك من مماتي
ولو بـ أشكي يجاوبني جفاك
أبمسح كل شي بـ ذكرياتي
ولاني راجعه أطلب رضاك
إذا كان الهوى عندك سكاتي
فـ أنا بـ أصرخ ولا بـ أسمع نداك
أنا حرّهـ إذا كان الفرح أحلى صفاتي
فـ جرحك غيّر بـ قلبي حلاك
تعبت أقول يا حبي غناتي
جاوبني دخيلك وش بلاك
تجاوبني بـ نظرهـ تقول هاتي
متى أعطيت حتى أقول هاك
أنا حرّهـ
محمد القرني 31 luglio !...اتخذت القرار
هــذا اللي كـنـت أتــوقـعـه أنه يــضـيـع بك المــســار وفعلاً توقـعــتـك كــذا .. تـعـيــش في وضـع مـثــيـــر
كـنك مـضـيـع لك وطـــن.. هــايم وحـيـد بـ هالـديـــار واضح على وجهك ندم.. باين على وضعك خـطـــيــر
كـل مـا بـنـيــته انـهــدم.. قــدام عـيـنـك بـ انــهــيـــار سـنـيــن راحــت وانـتـهــت من يـوم غــيرت المسيــر
ضـيـعــت نـفـسك للأسـف من عـقـب عــزك والـوقــار طـاوعـتهـا في كـل شي وأصبحت لـ أهــوائـك أســيــر
ورجـعــت في حــالة قــلـق تـبـغى مكــانـه وإعــتـبـار وعـنـدي أنـا هـذا الكــلام.. ما له قـبـــول ولا يـصـيــر
وكـانـك تبي تـعــرف بعد عن كـل ما عــشـته وصــار طـلـبت ربي يـقــلـعـك.. ويـكـتـب لي اللي فـيه خــيــر
ومن قبل تـنهي مسـرحك أسـدلـت أنا عنك الســـتــار وانهـيـت كل اللي جـمعـنا من كــبـيـر ومن صــغــيــر
وأبـشـــرك قـلـبي كــبـيـــر ولا أتــأثــر بـ الصــغـــار وإذا تحــداني الــزمــن لــجــأت لـ الله أستــخـــيــــر
من خـلـقـتي وأنا كــذا ما أرجــع إلا خــذت الــقـــرار والمنـتـهى من دنيـتي ما عـــاد له عــنـدي مصـيـــر
تــعــرفــــهـا إلى قــالـت كـــلام بـ إقـــتـــدار . . . . . . والله فــلا تــرجـــع بـ كــلـمـتــها ولو مهـما يـصـيـــر
لـيــلـك طــويـــل ولا أعـتـقد يـطـلع على مثـلك نهــار قـلـبي نــســـاك ومــوقفي هــذا هـو الـرأي الأخـيــــر
من باعني بـ رخـيــص بـعــتـه وانـتــهى حـبه وطــار خــــــلاص مـا بـاقـي بـ قــلــبـي لك قـليــل ولا كـثيــر
اخترت وضعي مثل ما أنت أخترت وضعك بـ إختصار ..هـــذا الكـلام اللي سكـن نفسي ونـابع من ضـمـيــر
تذكار الخثلان 30 luglio !...الأماكن
الأماكن.. كلها مشتاقة لك
والعيون اللي أنرسم فيها خيالك.. والحنين اللي سرى بـ روحي وجالك ما هو بس أنا حبيبي..
الأماكن.. كلها مشتاقة لك
كل شي حولي يذكرني بـ شي .. حتى صوتي وضحكتي لك فيها شي...! لو تغيب الدنيا عمرك ما تغيب .. شوف حالي آهـ من تطري علي
الأماكن.. كلها مشتاقة لك
الأماكن اللي مريت أنت فيها عايشه بـ روحي وأبيها.. بس لكن ما لقيتك...! جيت قبل العطر يبرد.. قبل حتى يذوب في صمتي الكلام.. وأحتريتك...!
كنت أظن الريح جابت عطرك يسلم علي كنت أظن الشوق جابك تجلس بـ جنبي شوي
كنت أظن.. وكنت أظن.. وخاب ظني وما بقى بـ العمر شي وأحتريتك...!
الأماكن.. كلها مشتاقة لك
المشاعر في غيابك ذاب فيها كل صوت والليالي من عذابك عذبت فيني السكوت
وصرت خايف لا تجيني لحظه.. يذبل فيها قلبي وكل أوراقي تموت..
آهـ آهـ آهـ آهـ آهـ لو تدري حبيبي كيف أيامي بدونك تسرق العمر وتفوت...!
آهـ آهـ آهـ آهـ .. آهـ الآمان .. وين الآمان .. وأنا قلبي من رحلت ما عرف طعم الآمان...!
ليه كل ما جيت أسأل هـ المكان اسمع الماضي يقول ما هو بس أنا حبيبي..
الأماكن .. كلها مشتاقة لك
منصور الشادي 17 luglio !...غيابك
أتعلم في غيابك كيف أصبح جزء ثابت من حضورك... وأتلذذ بارتكابك طيش طيش ما كأني إلا جوع كافر وأنتِ لقمة عيش
تسأليني: ليش...!
لأنه أيقضني غرورك فوق رفضي من سبات التجربة بشويش وقلت: أحبك
قلتي: ويش...!
قلت: أحبك
كنت أحاول أنفض غبار الكلام المهمل في صمتي وأدور بين فوضى الحزن عن درهم وقاية من بكائي
واستمريت في غبائي وقلت: أحبك
قلتي: لا تسرف في إعلان إنتمائك لأني ما قررت أحبك بشكل يا أحمد نهائي
واستمريت في غبائي وقلت: أحبك
قلتي: لكن أنت فاشل في إحتوائي
تساقط ريش من أجنحة .. تناقصت أشياء وقلت لك: بعد أيش...!
وأذكر أنه جف ثلثين إخضراري وثلث قاوم إصفرارهـ بالتشبث في جذوري واختنقت وما عتقت إلا زراري من تفاصيل العبارهـ إلين أرهقني نفورهـ وقلم المشهد أظافر إعتذاري
سلت من جرحي بغزارهـ وانزويت في ركن عورهـ وارتبكت وكنت جاهز لإختصاري رغم اسهاب الخسارهـ في ملامح كل صورهـ
وقلبي المؤمن تماماً في انتصاري انهزمت في عقر دارهـ رغم اتقانه لدورهـ واقترفت من الغبن موت اضطراري فوق أكفان المرارهـ
وانفجرت انفجرت انفجرت بدون ثورهـ وتساقط ريش من أجنحة قلبي...
تضاعفت أعبائي
قلت: أحبك قلت: أحبك قلت: أحبك
حتى لو فكرت غيابك... حاولت إلقائي
أحمد الفهيد 30 giugno !...صعب السؤال!..صعب السؤال .. ليه نفترق
!..صعب السؤال .. وين نلتقي إنتِ الجنوب .. وأنا الشمال وما بيننا .. بحر .. ورمال لكن نحب .. والله نحب .. وفوق الخيال !..صعب السؤال يا اللي أجمل من كلامي عنك وأقرب من سكوتي آهـ يا طول المسافة بين إحساسي وصوتي ما هو غريب .. إني أسألك !...و إنتِ أنا .. كيف أوصلك
لا مستحيل .. هذا الرحيل من يقطع الصمت الطويل !...ويــدلنـــي !...قصيدتي .. وين الحروف .. جف القلم
!...يا ضايعه .. ببرد الكفوف .. رعشة ألم قصيدتي .. إلا الندم .. إلا الندم بتسافرين .. وانتِ معي وبترجعين .. وانتِ معي قصيدتي .. لا تسمعي .. غيري قصيد يا ساكنة فـ ورق الحشا .. وحبر الوريد البدر !...تعاريف !...أنا : دهشه
!... أنا : في جسد هـ الكون رعشه
أنا : الحي الوحيد اللي كسر نعشه
..وأطلق صرختين
فراشه .. وعصفور ملوّن حزين
أنا : الوحيد اللي في لحظة غضب
!...قي أقرب سلة مهملات.. رمى عرشه محمد الرطيان |
|
|
